C.E.C. (Afterschool programs) Ta un proyecto di trai merdia pa mucha y hoben di scolnan primaria (basisschool) y secundario (voortgezet onderwijs). Den nos comunidad nos ta tuma nota cu tin hoben cu pa diferente motibo no por termina nan estudio.

Na CEC nos ta ofrese un programa dirigi riba e hobennan aki y esnan cu ta motiva pa participa. Pa muchanan di scolnan primaria nos ta yuda y guia e muchanan cu nan tareanan. Pa esnan di enseñansa secundario tambe nos ta yuda y guia e hoben cu tarea y ta usa e programa extracurricular den e materianan: wiskunde, economie, natuurkunde, scheikunde, nederlands, spaans, engels, geschiedenis, INS, ASW.  Por scohe entre 2, 3 of 4 biaha pa siman. For di 13:30 te 17:30.

Actualmente tin un averahe di 60 alumno. Nos tin 6 docente y 4 assistente cu ta traha riba un base boluntario cu ta ricibi un compensacion pa e trabou balioso cu nan ta haci. Nos ta traha cu diferente instancia cu tin experencia riba e tereno aki. CEC ta Centro Educativo Creativo y ta un organisacion cu ta yuda e hobennan den nan crecemento y desaroyo. Un programma extra curricular pa alumnonan di scol nan primario y secundario.

​

Den nos comunidad nos ta tuma nota cu tin hoben cu pa diferente motibo no por termina nan estudio. Na CEC nos ta ofrese un programa dirigi riba e hobennan aki y esnan cu ta motiva pa participa. E studiante por hasi uzo di computer, laptop, printer y den tur local tin WIFI disponibel.